علمينى الحب

علمينى
أنا بين أيديكى طفل هادى
أحساسى بالأمان أحساس مش عادى
لو كنت أقدر انسى كل الماضى
كل لحظة مرت عليا فى بعادى
كنت نسيت كل العالم
وفضلت بين أيديكى طفل نايم
أنا لحظة ميلادى لما لمست أيديكى
بحس بس أنى عايش لما أبص فى عنيكى
**********
أنا لحظة بعدى عنك ببقى عايش فى نارى
آة لو كنت لقانا بأختيارى
كنت قابتك مليون مرة فى ثانية
معايا أو مش معايا خلاص نسيت الدنيا
مش فاكر غير أن قلبى طفل وليد
بيتعلم معاكى معنى الحب من جديد
مهما جرى حبك فى الوريد
هيفضل لقانا لحظة عيد
**********
أنا جايلك عطشان أروينى
مجروح داوينى
خايف أحمينى
بردان دفينى
مشتاق أحضنينى
طفل صغير علمينى
علمينى فى مدرسة حبك
علمينى أزاى أحبك
أزاى أدوب مع قلبك
علمينى انسى وياكى زمانى
أعيشلك بكل المعانى
علمينى أزاى انسى أحزانى
انسى حتى كيانى
علمينى معنى الأشواق
ونسينى كلمة فراق
وأنا هابقى أقوى من العشاق
هاكونلك حضن دافى
نبع حب صافى
علمينى أزاى أكون
أزاى ألف بيكى الكون
أزاى أدوب جوة العيون
وأنا هاكونلك عاشق مجنون
**********
‍‍‍‍‍‍‍‍‍‍‍‍‌‌‌‍‌أكون أزاى ما أنا خلاص بقيت
أنا ليكى حضن وبيت
نسيت أنى زمان قاسيت
خلاص يا حبيبتى أنا جيت
أنتى ليا لوحدى
كل أحساسك عندى
وأنتى ملكتى قلبى
بقيتى ملكة حبى
ومهما فضلت أتكلم
أنا فى حبك عاشق بتعلم
عـلـمـيـنـى